ELIFNAM ലിറ്ററേച്ചർ ഫെസ്റ്റിവൽ രജിസ്ട്രേഷൻ ആരംഭിച്ചു
എൻ. എ മമ്മു ഹാജി മെമ്മോറിയൽ ലിറ്ററേച്ചർ ഫെസ്റ്റിവൽ (ELIFNAM) ഡെലിഗേറ്റ് രജിസ്ട്രേഷൻ ആരംഭിച്ചു. 2024 ഫെബ്രുവരി 14, 15 തീയതികളിൽ നടക്കുന്ന പരിപാടിക്ക് എൻ. എ. എം. കോളേജ് ക്യാമ്പസ് വേദിയാകും. കോളേജിലെ ഇംഗ്ലീഷ് ഡിപ്പാർട്ട്മെൻ്റിൻ്റെ ആഭിമുഖ്യത്തിൽ നടത്തുന്ന സാഹിത്യോത്സവം കെ. മുരളീധരൻ എം.പി ഉദ്ഘാടനം ചെയ്യും. കണ്ണൂർ യൂണിവേഴ്സിറ്റി വൈസ് ചാൻസിലർ ഡോ. എസ്. ബിനോയ് നന്ദൻ മുഖ്യാതിഥിയാകും.
സാഹിത്യോത്സവത്തിൽ സമകാലിക കലാ- സാഹിത്യ- സാംസ്കാരിക- സാമൂഹിക വിഷയങ്ങളിൽ സജീവമായ ചർച്ചകൾക്കും സംവാദങ്ങൾക്കും വഴിയൊരുക്കിക്കൊണ്ട് പ്രമുഖർ പങ്കെടുക്കും. ഇൻ്റർ കോളേജ് തലത്തിൽ വിവിധ ഇനം മത്സരങ്ങളിൽ വിദ്യാർത്ഥികൾ മാറ്റുരയ്ക്കും. വായനകളിൽ ഇടം പിടിക്കാതെ പോയ ജീവിതങ്ങളെ വരച്ചിടുന്ന ചർച്ചകൾ, ഫോട്ടൊ പ്രദർശനം, പുസ്തക മേളകൾ തുടങ്ങിയ വിവിധ സാംസ്കാരിക പരിപാടികൾക്കും ഫെസ്റ്റിവൽ വേദിയാകും.
ELIFNAM ലിറ്ററേച്ചർ ഫെസ്റ്റിവലിന് താഴെ കാണുന്ന ലിങ്ക് ഉപയോഗിച്ച് രജിസ്റ്റർ ചെയ്യാം.
